Аэрофлот җәй айларында Татарстанга очышлар ешлыгын арттырачак
Аэрофлот җәй айларында Мәскәү һәм Санкт-Петербургтан Татарстанның Казан һәм Түбән Кама шәһәрләренә очышлар ешлыгын арттырачак.
Мәскәүдән Казанга Аэрофлотның үз рейслары саны атнасына 49 дан 56 га кадәр артачак. «Россия» авиакомпаниясе җәй айларына бер көндәлек рейс ачачак. Аэрофлот һәм «Россия» нең бу юнәлештә очышларының гомуми ешлыгы җәй көне атнага 63 рейска җитәчәк.
Санкт-Петербургтан Казанга «Россия» авиакомпаниясе атнага 13 рейс башкарачак. Июнь башыннан һава линиясенә атнага 4 тапкырга кадәр ешлык белән Аэрофлотның үз рейслары өстәләчәк. Бу юнәлеш буенча очышларның гомуми ешлыгы июньнән августка кадәр атнага 17 рейс тәшкил итәчәк.
Мәскәү-Түбән Кама маршрутында «Россия» авиакомпаниясе ешлыкны атнасына 9 дан 18 рейска кадәр арттырачак. Аэрофлот атнага 14 рейс башкарачак. Җәй айларында бу һава линиясендә очышларның гомуми ешлыгы атнага 32 рейска кадәр тәшкил итәчәк.
Гомумән алганда, бу җәйдә Аэрофлот һәм "Россия" атна саен Мәскәү һәм Санкт-Петербургтан Татарстанның иң эре ике аэропортына 112 рейс башкарачак.