2025 елда «Татарстан Республикасының иң яхшы товарлары һәм хезмәтләре» конкурсында катнашуга гаризалар кабул ителә

2025 елның 1 апреле, сишәмбе

«Россиянең иң яхшы 100 товары» Бөтенроссия конкурсының төбәк этабы булган «Татарстан Республикасының иң яхшы товарлары һәм хезмәтләре» конкурсының оештыру комитеты чираттагы сезонның башлануын игълан итте.

Конкурс Татарстан Республикасы Министрлар Кабинетының 2003 елның 26 декабрендәге 1969-р номерлы боерыгы нигезендә республика предприятиеләрендә җитештерелә торган продукциянең һәм күрсәтелә торган хезмәтләрнең сыйфатын өзлексез яхшыртуга стимуллаштыру максатларында гамәлгә куелды.

Чарада катнашу конкурсантларга игълан ителгән продукциянең яисә хезмәт күрсәтүләрнең конкурентлыкка сәләтлелегенә бәйсез эксперт бәяләмәсе һәм сыйфат, норматив-метрологик тәэмин итү, иминлек, ресурслар һәм энергия нәтиҗәлелеге өлкәсендәге заманча таләпләргә туры килү предметына оешма эшчәнлеге турында гомумсистема күзаллавы алырга мөмкинлек бирә.

Конкурста катнашу өчен заявкаларны 2025 елның 15 апреленә кадәр «Татарстан ЦСМ» ФБУГА best@tatcsm.ru электрон почтасы аша җибәрергә кирәк, элемтә өчен телефоннар: 8 (843) 233-18-13, 233-18-57.

Конкурс турында тулырак мәгълүмат һәм кирәкле документлар исемлеге белән Үзәк сайтның "Татарстан Республикасының иң яхшы товарлары һәм хезмәтләре конкурсы" бүлегендә (федераль этап – www.100best.ru) танышырга була.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International