Бүген Союзлар Йортының Колонналар залында Россия Транспорт министрлыгының йомгаклау коллегиясе уза
Чарада РФ Хөкүмәте Рәисе урынбасары Виталий Савельев, РФ Хөкүмәте Рәисе урынбасары Марат Хөснуллин, РФ транспорт министры Роман Старовойт, министрлар һәм төбәкләрнең транспорт һәм юл тармагы җитәкчеләре катнаша. Коллегиядә Татарстан Республикасыннан ТР транспорт һәм юл хуҗалыгы министры Фәрит Хәнифов катнаша.
"Бүген залда үз эшенә бирелгән профессионаллар җыелды. Биредә Совет һәм Россия транспортының данын күтәрүчеләр һәм бергә тарих иҗат итәргә, куелган максатларга ирешергә тиеш белгечләр. Моның өчен бездә барысы да бар: тәҗрибә, технологияләр, тарих һәм традицияләр, ә иң мөһиме – транспорт тармагына тугры кешеләр. Бүгенге чарада катнашучыларга һәм транспорт хезмәткәрләренә узган ел ирешкән уңышлары, фидакарь хезмәтләре һәм көндәлек хезмәтләре өчен рәхмәт белдерәсем килә. Барыгызга да уңышлы эшләр һәм үзебезнең транспорт комплексы файдасына уңышлар телим", - дип билгеләп үтте үзенең сәламләү сүзендә Виталий Савельев.
Транспорт һәм төзелеш кулга-кул тотынышып бара һәм бер-берсеннән башка яши алмыйлар. Транспортчыларга вице-премьер Марат Хөснуллин мөрәҗәгать итте: «Системалы карарлар, дәүләт башлыгының даими игътибары, Хөкүмәт Рәисенең шәхси катнашуы, губернаторлар белән җайга салынган штаб эше нәтиҗәсендә илнең төзелеш тармагы, аерым алганда, транспорт төзелеше 6 ел дәвамында тотрыклы үсеш күрсәтә. Һәм бу эш нәтиҗәсендә безнең илдә 5000 километрдан артык төзелгән һәм реконструкцияләнгән юллар бар. 1 миллиард квадрат метрдан артык асфальт җәелгән — бу транспорт төзелеше тарихында рекорд».
Коллегиядә Россия транспорт Министрлыгы эшчәнлегенә нәтиҗә ясалачак һәм 2025 елга бурычлар яңгыраячак.
Мәскәүгә эш сәфәре кысаларында Фәрит Хәнифов шулай ук «РОСДОРНИЯ» ФАУ генераль директоры урынбасары Владимир Мартинсон белән очрашу уздырачак. Яклар республикада юл төзелеше темасы буенча фикер алышачак.