Centrum Air авиакомпаниясе Казаннан Ташкентка даими рейслар программасын ача

2025 елның 27 марты, пәнҗешәмбе

30 март көнне Centrum Air авиакомпаниясе Габдулла Тукай исемендәге «Казан» Халыкара аэропортыннан Ташкентка даими рейслар программасын ача. Очышлар атнага 2 тапкыр Airbus A320 тибындагы 180 урынлы һава судноларында башкарылачак: 

чәршәмбе көннәрендә:

- Ташкенттан 07:40 сәгатьтә очып китү, Казанга 09:20 сәгатьтә килү;

- Казаннан 10:20 сәгатьтә очып китү, Ташкентка 15:35 сәгатьтә килеп җитү.

якшәмбе көннәрендә:

- Ташкенттан 06:20 сәгатьтә очып китү, Казанга 08:00 сәгатьтә килү;

- Казаннан 09:40 сәгатьтә очып китү, Ташкентка 14:35 сәгатьтә килеп җитү.

Очыш озынлыгы 3,5 сәгать чамасы. Һәр аэропорт өчен җирле вакыт күрсәтелгән. Үзбәкстанда вакыт Мәскәүнекеннән 2 сәгатькә алда бара. Җәдвәлдә үзгәрешләр булырга мөмкин.