Фәрит Хәнифов гражданнарны кабул итте
Бүген ТР транспорт һәм юл хуҗалыгы министры Фәрит Хәнифов гражданнарны шәхси сораулары буенча кабул итте. Министрга Казанда яшәүче гражданин Татарстан Республикасының Әтнә районында 5 км озынлыктагы Каенсар-Нуртәк юлын төзү мәсьәләсе буенча мөрәҗәгать итте.
Югары Осланда яшәүче гражданнан Нурлат муниципаль районының Яңа Тумба һәм Әлки муниципаль районының Иске Тумба торак пунктлары арасында автомобиль юлы төзүне сорап икенче мөрәҗәгать килде.
Чистай шәһәрендә яшәүче хатын-кыз Чистай-Нурлат автомобиль юлында җәяүлеләр кичүе булмау һәм Татарстан Республикасы Чистай районының Татар Баганаласы авылына керү мөмкинлеге булмау мәсьәләсе буенча мөрәҗәгать итте.
Фәрит Хәнифов «Главтатдортранс» ДКУ һәм Министрлык белгечләренә кергән мөрәҗәгатьләрне җентекләп өйрәнергә тәкъдим итте. Чара йомгаклары буенча гражданнарга аңлатмалар бирелде, бирелгән сораулар буенча тиешле мәгълүмат фикер алышу һәм алга таба эшләү өчен республика муниципаль районнарының башкарма комитетларына җиткереләчәк.
Исегезгә төшерәбез, ТР транспорт һәм юл хуҗалыгы Министрлыгында гражданнарны кабул итү түбәндәге адрес буенча үткәрелә: Казан шәһәре, Н.Ершов ур., 31а. Кабул итүгә язылу өчен тел.: 8 (843) 291-91-46, 8 (843) 291-90-29.