Министрлыкта автомобиль транспорты һәм юл хуҗалыгы хезмәткәрләре һөнәр берлегенең республика комитеты Президиумы утырышы узды
Бүген Татарстан Республикасы транспорт һәм юл хуҗалыгы министрлыгында 2024 елда тармак (тариф) килешүләре йөкләмәләрен үтәү турында социаль партнерларның хисаплары белән республика профсоюз комитеты президиумының киңәйтелгән утырышы узды. Утырышта Татарстан Республикасы транспорт һәм юл хуҗалыгы министры Фәрит Хәнифов, Татарстан Республикасы автомобиль транспорты һәм юл хуҗалыгы хезмәткәрләре һөнәр берлегенең республика комитеты рәисе Юрий Данилов һәм башкалар катнашты.
Чарага профсоюзларның республика комитеты әгъзалары, тармак предприятиеләре һәм оешмалары җитәкчеләре, ТР транспорт министрлыгы хезмәткәрләре, тармак предприятиеләренең беренчел профсоюз оешмалары рәисләре, республика профсоюз комитетының яшьләр советы әгъзалары, профсоюз активы һәм социаль партнерлар чакырылган иде.
Утырышта автомобиль һәм шәһәр электр транспорты һәм юл хуҗалыгы буенча 2024 елга тармак тариф килешүләрен үтәү йомгаклары турындагы мәсьәләләрне карадылар, профсоюзларның республика комитетының 2024 елга профсоюз бюджеты сметасының үтәлеше һәм 2025 елга төзелүе турындагы хисапны, профсоюзларның республика комитетының 2024 елга Яшьләр советы эшчәнлеге хисабын тыңладылар һәм Яшьләр Советының 2025 елга планын расладылар.
Профсоюз эшенең төп юнәлешләре турындагы нотык белән Татарстан Республикасы автомобиль транспорты һәм юл хуҗалыгы хезмәткәрләре профсоюзының республика комитеты рәисе Юрий Данилов чыгыш ясады.
Фәрит Хәнифов ТР юл-транспорт комплексы эшчәнлеге нәтиҗәләре һәм 2025-2030 елларга бурычлар турында сөйләде. Россия Федерациясе Президентының «2030 елга кадәр һәм перспективада 2036 елга кадәр Россия Федерациясе үсешенең милли максатлары турында» 2024 елның 7 маендагы 309 номерлы Указы нигезендә барлык 6 еллык программалар-федераль, республика, муниципаль проектлар гамәлгә ашырылачак. Министрлык бу эшне «Тормыш өчен Инфраструктура» һәм «Нәтиҗәле транспорт системасы» юнәлешләре буенча РФ Дәүләт Советы комиссияләре белән алып барачак. Фәрит Хәнифов билгеләп үткәнчә, «Тормыш өчен инфраструктура» илкүләм проекты буенча 2030 елга төбәк юлларының 60% норматив күрсәткечләргә җавап бирергә тиеш. «Юлларны ремонтлауны планлаштырганда, иң кирәкле магистральләргә игътибарны юнәлтеп, гражданнар мөрәҗәгатьләрен исәпкә алачакбыз", - дип хәбәр итте министр.
"Татарстан Республикасы юл-төзелеш предприятиеләрендә хезмәткәрләрнең исемлек буенча уртача саны 17,5 мең кеше тәшкил итә, транспорт предприятиеләрендә - 62,5 мең кеше. Уртача хезмәт хакы үсә, юл комплексында - 18,2%, транспорт комплексында - 11,7%», - диде Фәрит Хәнифов.
Чара тантаналы бүләкләү белән тәмамланды. Татарстан Республикасы транспорт һәм юл хуҗалыгы министрының беренче урынбасары Лилия Сафиуллина һәм Татарстан Республикасы автомобиль транспорты һәм юл хуҗалыгы хезмәткәрләре һөнәр берлегенең республика комитеты рәисе Юрий Данилов тармак хезмәткәрләренә бүләкләр тапшырдылар.