Министрлыкта ВКС режимында коррупциягә каршы сәясәт мәсьәләләре буенча семинар-киңәшмә узды
Бүген Татарстан Республикасы транспорт һәм юл хуҗалыгы министрлыгында «2024 хисап елы өчен декларация кампаниясе кысаларында 2025 елда керемнәр, чыгымнар, мөлкәт һәм мөлкәти характердагы йөкләмәләр турында белешмәләр бирү һәм тиешле формадагы белешмә тутыру» темасына ВКС режимында семинар-киңәшмә узды. Чара Татарстан Республикасы Рәисе коррупциягә каршы сәясәт мәсьәләләре Идарәсе тарафыннан Татарстан Республикасы буенча Федераль салым хезмәте идарәсе һәм Татарстан Республикасы буенча Росреестр идарәсе вәкилләре катнашында оештырылды.
Тыңлаучылар 2025 елгы декларация чорының үзенчәлекләре, керемнәр, чыгымнар, мөлкәт һәм мөлкәти характердагы йөкләмәләр турында белешмәләр тапшырганда тиешле белешмәләрдә чагылдырылырга тиешле типик хаталар белән таныштылар.
Шуны да билгеләп үтәргә кирәк, коррупцияне кисәтү чараларының берсе һәм дәүләт органнары хезмәткәрләренең коррупциягә каршы бурычы булып үз керемнәре, чыгымнары, мөлкәте һәм мөлкәти характердагы йөкләмәләре, шулай ук үз тормыш иптәше яки ире һәм балигъ булмаган балалары турында белешмәләр бирү тора. Әлеге бурыч «Коррупциягә каршы тору турында» 25.12.2008 №273-ФЗ Федераль закон белән билгеләнгән.
Хисаплы 2024 ел өчен декларация кампаниясен уздыру вакыты - 2025 елның 30 апреленә кадәр.