Горький тимер юлында «Игътибар, чыгу урыны!» акциясе булды
Горький магистрале хезмәткәрләре Татарстан Республикасында кичүләрдә профилактик рейдлар оештырды.
«Игътибар, чыгу урыны!» акциясе бер үк вакытта Казанда, Арчада һәм Буада автомобиль һәм поездлар катнашында юл-транспорт һәлакәтләрен булдырмау максатында узды.
Тимер юлчылар ДАИ вәкилләре белән берлектә профилактик әңгәмәләр үткәрделәр, алар кысаларында машина йөртүчеләргә кабат кичү аша куркынычсыз хәрәкәт кагыйдәләре турында искә төшерделәр, шулай ук мәгълүмати белешмәләр һәм стикерлар тараттылар.
Моннан тыш, тимер юл хезмәткәрләре берничә автомәктәптә булдылар, анда яңа гына эшли башлаган машина йөртүчеләр белән әңгәмәләр үткәрделәр.
Горький тимер юлы машина йөртүчеләрне тимер юлларны кичкәндә уяу булырга һәм юл хәрәкәте кагыйдәләрен төгәл үтәргә чакыра.