Фәрит Хәнифов Төркия Республикасының Казандагы Генераль консулы Йылмаз Угур белән очрашты
Бүген ТР транспорт һәм юл хуҗалыгы министры Фәрит Хәнифов Төркия Республикасының Казандагы Генераль консулы Йылмаз Угур белән очрашты. Анда Turkish Airlines генераль менеджеры Фарук Омер, Россия тышкы эшләр министрлыгының Казандагы вәкиллегенең беренче секретаре Вадим Лавров, «Казан» Халыкара аэропорты АҖ генераль директоры Сергей Романцов, «Бигеш» аэропорты АҖ коммерция директоры Марат Әминов һәм башкалар катнашты.
Чара барышында министр Төркия делегациясенә Министрлык эшчәнлегенең төп юнәлешләре, аерым алганда, республика аэропортларыннан башкарыла торган һава транспорты турында сөйләде. Моннан тыш, яклар киләчәк хезмәттәшлек перспективалары турында фикер алыштылар. Очрашу кысаларында шулай ук Turkish Airlines генераль менеджеры - Казан офисының яңа җитәкчесен тәкъдим иттеләр.