«Касперский лабораториясе» «Цифрлы ликбез» проектының яңа сезоны өчен видеороликлар чыгарды
«Касперский лабораториясе» өченче ел рәттән «Цифрлы ликбез» Бөтенроссия мәгърифәтчелек проектында катнаша. Яңа сезонда компания «Цифрлы икътисад» АНО белән бергә Россия Мәгариф министрлыгы һәм Россия цифрлар министрлыгы катнашында «Мәгълүматлар икътисады» илкүләм проектын, шулай ук «Технологик лидерлык» илкүләм максатын гамәлгә ашыруга ярдәм йөзеннән актуаль кибер янаулар турында видеороликлар әзерләгән.
Беренче ролик онлайн-груминг темасын ача, балага ышанычка олы кеше аның адресына хокуксыз гамәлләрне алга таба гамәлгә ашыру өчен керергә тырыша. Икенче ролик мошенникларның популяр кликер-уеннар кулланып, балаларның шәхси мәгълүматларын һәм аларның ата-аналарының акчаларын үзләштерергә тырышулары турында сөйли. Өйрәтүче видеороликлар һәм аларга методик материаллар цифровойликбез.рф сайтында бар.
Видеороликлар 6+ яшь категориясе өчен каралган һәм ата-аналар яки укытучылар белән карарга тәкъдим ителгән. Укыту роликлары педагоглар өчен методик материаллар белән тулыландырылган, бу аларны уку процессына нәтиҗәле интеграцияләү һәм ОБЖ, информатика дәресләрендә, дәрестән тыш эшчәнлектә, шулай ук ата-аналар җыелышларында куллану мөмкинлеген бирә.