Һөнәри осталык буенча чемпионатның региональ этабында «Бульдозер белән идарә итү» һәм «Экскаватор белән идарә итү» компетенцияләрендә җиңүчеләр билгеләнде
Бүген А.П. Обыденнов исемендәге Казан автотранспорт техникумында «Бульдозер белән идарә итү» һәм «Экскаватор белән идарә итү» компетенцияләрендә һөнәри осталык буенча «Профессионаллар» төбәк чемпионатына йомгак ясалды. Чарада Татарстан Республикасы транспорт һәм юл хуҗалыгы Министрлыгының автомобиль юллары идарәсе башлыгы Кәрим Нурмөхәммәтов катнашты.
«Техникум студентлары төбәк чемпионатына актив әзерләнделәр, алар күп көч һәм энтузиазм салдылар. Бу үз көчеңне сынап карау гына түгел, ә үз белгечлегеңдә кыйммәтле тәҗрибә һәм яңа белем алу мөмкинлеге дә», - диделәр мәгариф учреждениесе педагоглары.
Кәрим Нурмөхәммәтов укучыларны җиңүләре белән котлады, уңышлар теләде һәм бүләкләр тапшырды.
«Экскаватор белән идарә итү» компетенциясендә җиңүчеләр булдылар:
1 урын - Ислам Мөҗипов, «КАТТ ис. А.П. Обыденнова»;
2 урын - Разел Хәсәншин, «КАТТ ис. А.П. Обыденнова»;
3 урын - Фаил Шакиров, «КАТТ ис. А.П. Обыденнова».
«Бульдозер белән идарә итү» компетенциясендә иң яхшылар булды:
1 урын - Данил Кузнецов, «КАТТ ис. А.П. Обыденнова»;
2 урын - Нурсил Әхмәтвәлиев, «КАТТ ис. А.П. Обыденнова»;
3 урын - Илсаф Садретдинов, «КАТТ ис. А.П. Обыденнова».
«Республикада төп подряд оешмаларының 150 берәмлек экскаваторы һәм шул кадәр үк бульдозеры бар. Автотранспорт техникумының эше актуаль булып кала, чөнки квалификацияле кадрлар әзерләү юл эшләре сыйфатында төп роль уйный. Һәм өстенлекле бурычларның берсе булып юл төзүчеләрнең һөнәри осталыгын арттыру һәм тармакка яшь белгечләрне җәлеп итү тора», - дип билгеләп үтте Кәрим Нурмөхәммәтов.