Министрлыкта тимер юл транспортына йөкләр төяү мәсьәләсе буенча киңәшмә узды
Бүген Татарстан Республикасы транспорт һәм юл хуҗалыгы Министрлыгында тимер юл транспортына йөкләр төяү һәм Татарстанда буш вагоннар профицитын туплау мәсьәләсе буенча киңәшмә узды. Анда «УГПХ» ҖЧҖ генераль директорының төбәк логистик үсеше буенча урынбасары Александр Стрежнев, «Татдортрансинвест» АҖ генераль директоры Айрат Гайфетдинов, видеоконференцэлемтә буенча Татарстан сәнәгать һәм сәүдә Министрлыгы, Горький һәм Куйбышев тимер юллары – «РЖД» ААҖ филиаллары, шулай ук Татарстан Республикасының Кама кластерындагы эре сәнәгать предприятиеләре вәкилләре катнашты.
Киңәшмә барышында сәнәгать предприятиеләре йөкләренең белдерелгән күләмнәрен тимер юл транспортына вакытында төямәү, буш вагоннарның профицитын туплау һәм вагоннарның артык паркын булдырмау буенча күрелә торган чаралар һ.б. мәсьәләләр буенча фикер алыштылар.
Хәзерге вакытта республикада 4 988 буш вагон бар, шул исәптән Горький тимер юлы полигонында – 2 650 берәмлек һәм Куйбышев тимер юлы полигонында – 2 338 берәмлек. Горький тимер юлы буенча тәүлеклек бушату 430 вагон, Куйбышев тимер юлы буенча 586 вагон тәшкил итә.