Диңгез һәм елга флоты институтында Попечительләр советының еллык утырышы узды
Советлар Союзы Герое М.П. Девятаев исемендәге диңгез һәм елга флоты институтының – «Идел дәүләт су транспорты университеты» Казан филиалында Попечительләр советының еллык утырышы булды.
Чарада транспорт һәм юл хуҗалыгы министры урынбасары Айрат Садыков катнашты. Ул үз чыгышында барысына да катнашулары өчен рәхмәт белдерде һәм институтның төбәктә флот өчен кадрлар белән бердәнбер тәэмин итүче булуын һәм динамик рәвештә үсүен билгеләп үтте.
Институтның 2024 елдагы эшчәнлеге нәтиҗәләре һәм үсеш перспективалары турындагы хисап көн тәртибендәге төп мәсьәләләр булды. Доклад белән институт директоры Ильяс Сәлахов чыгыш ясады, ул мәгариф, фән, тәрбия, һөнәри юнәлеш бирү эшчәнлеге өлкәсендәге хисапны тәкъдим итте, 2024 елда кабул итү кампаниясенең эш йомгакларын яктыртты.