Горький тимер юлы ветераннарының Идел буе рокадасы турындагы видеоролигы Җиңүнең 80 еллыгы хөрмәтенә Бөтенроссия конкурсында җиңүче булды
Горький тимер юлының Буа станциясе бүлмә-музее ветераннарының Идел буе рокадасы төзелеше турындагы видеопроекты «ХХІ - җиңүчеләргә яшьлек» Бөтенроссия смотр – конкурсында призлы урын алды. Барлыгы 245 эш катнашкан.
Конкурс эше Татарстанның Буа районы "Теремок" МББМУ гомуми үстерү төрендәге балалар бакчасы белән берлектә оештырылды.
Бүләкләү тантанасы республика мәдәният Министрлыгында Татарстан ветераннарының (пенсионерларының) төбәк иҗтимагый оешмасы Советы Президиумы утырышы кысаларында узды.
Бүләк һәм рәхмәт хаты Горький тимер юлының Казан үзәге ветераннар Советы Рәисе урынбасары Илгиз Нигъмәтуллинга һәм Буа станциясендәге хезмәт һәм Сугышчан дан бүлмә-музеен саклаучы Тамара Нигъмәтуллинага тапшырылды.
Финал эшләре «Мөһим нәрсәләр турында әңгәмәләр» дәрестән тыш дәресләрендә, шулай ук яшьләргә рухи-әхлакый һәм патриотик тәрбия бирүгә юнәлдерелгән башка чаралар үткәргәндә кулланылачак видеофильмга керәчәк.