Татарстан Рәисе «Дом.РФ» АҖ рәисе урынбасары Алексей Ниденс белән очрашты

2025 елның 27 феврале, пәнҗешәмбе

Татарстан Рәисе Рөстәм Миңнеханов «Дом.РФ» АҖ рәисе урынбасары Алексей Ниденс белән очрашты. Очрашу «Казан Экспо»да узды. Анда Татарстан Республикасы Премьер-министрының беренче урынбасары Рөстәм Нигъмәтуллин, Татарстан Республикасы транспорт һәм юл хуҗалыгы министры Фәрит Хәнифов һәм башкалар катнашты.

Яклар торак төзелешен һәм инфраструктура проектларын үстерү, дәүләт ярдәме белән ипотека программаларын гамәлгә ашыру, ШТТен алга таба үстерү һәм башка мәсьәләләр буенча фикер алыштылар.