Гыйнвар аенда Тихорецкая Горький тимер юлы терминалында 58 мең тоннага якын йөк эшкәртелгән
Горький тимер юлы 2025 елның гыйнварында 367 мең тоннага якын йөк эшкәрткән, шул исәптән 58 мең тоннасы Тихорецкая терминалында.
Шунысын да билгеләп үтәргә кирәк, магистраль терминалларында комплекслы транспорт хезмәте күрсәтелә: йөкләрнең киң номенклатурасын төяү һәм бушату, аларны ябык складларда һәм ачык мәйданчыкларда саклау, йөкләрне автомобиль транспорты белән китерү, ташу документларын рәсмиләштерү, вагоннарны чистарту/юу хезмәтләре.
Йөк җибәрүчеләр һәм йөк алучылар белән үзара мөнәсәбәтләрнең «цифрлы моделе» эшкә актив кертелә. Магистраль клиентының «шәхси кабинет»та һәм «Россия тимер юллары» ААҖ сайтында терминал-склад комплексы хезмәтләреннән дистанцион файдалану мөмкинлеге бар.
Клиентларга уңайлы булсын өчен махсус сервислар эшләнгән, шул исәптән «Цм-Экспедитор» (оптималь логистик схемалар төзи), «мастер погрузки» (йөкне төяп беркетергә булыша, шулай ук аны урнаштыруның дөреслеген тикшерә) һәм «ЦМ-авто» (автомобильләр ташыганда терминал хезмәтләренең тулы комплексын күрсәтү).