Горький тимер юлы хезмәткәрләре 2024 елда пассажирларга 5,7 мең онытылган әйбер кайтарган
Горький тимер юлы хезмәткәрләре ерак араларга йөрүче поездларда пассажирлар калдырган 5,7 мең предмет тапканнар һәм кире кайтарганнар.
Поездда онытылган әйберләрне табу өчен «Россия тимер юллары» ААҖ сайтында «Хезмәтләр һәм сервислар» бүлегендә электрон заявка тутырырга кирәк. Анда пассажир үзенең исемен, билет һәм паспорт номерын, телефонын һәм электрон почтасын күрсәтә.
Онытылган предметның тасвирламасын төзергә һәм вагонның кайда калдырылганын фаразларга кирәк. Сервиста вагондагы урыннарга бәйләп табылган әйберләрнең фотосурәтләре инде йөкләнгән, шуңа күрә, туры килү ачыкланса, пассажир бу фотоларны күрәчәк һәм үз әйберен таный алачак. Шуннан соң пассажир аның кайда булуы турында мәгълүмат алачак һәм үзенең югалган предметын ала алачак.
Онытылган әйберләрне ерак арага йөрүче поездда сәяхәт башланганнан соң 30 көн эчендә эзләп табарга мөмкин.