Горький тимер юлы машина йөртүчеләрне бозлавык шартларында кичү аша барганда юл хәрәкәте кагыйдәләрен үтәргә чакыра
Көндез һәм төнлә температураның кискен үзгәрүе аркасында Горький тимер юлы чикләрендә урнашкан торак пунктларның автомобиль юлларында бозлавык барлыкка килгән. Тимер юлларга тоташкан автотрассаларда да бозлавык күзәтелә.
Тимер юлчылар кичүләрдә юл-транспорт һәлакәтләренә юл куймау максатыннан машина йөртүчеләрне юл хәрәкәте кагыйдәләрен тайпылышсыз үтәргә өнди:
- светофорның тыюлы сигналы һәм ябык шлагбаум булганда кичүгә чыкмаска;
- кичү зонасында каршы як хәрәкәт полосасына чыкмаска;
- кичүдә узып китмәскә.
Шәхси куркынычсызлык максатларында сәфәр алдыннан транспорт чарасының техник төзеклегенә инанырга, беренче чиратта, тормоз җиһазларын һәм шиннарның һава шартларына туры килүен тикшерергә кирәк.
Горький магистрале машина йөртүчеләрне тимер юлларны кичкәндә уяу булырга һәм юл хәрәкәте кагыйдәләрен төгәл үтәргә чакыра.