БРИКС саммитына әзерлек кысаларында Казанның тимер юл инфраструктурасы яңартылды
Горький тимер юлы БРИКС илләре саммитына әзерлек барышында Татарстан башкаласында Казан – Аэропорт тимер юл вокзалы участогында шәһәр яны пассажирлар инфраструктурасын яңартты.
«Пассажирларның вокзалларда һәм станцияләрдә булу шартларын яхшырту максатында яңа технологияләр кулланып шәһәр яны комплексына ремонт ясалды, заманча җиһазлар сатып алынды, станция янындагы территорияләр төзекләндерелде», – дип билгеләп үтте Горький тимер юлы башлыгы Сергей Дорофеевский.
Яңартулар Казан – Аэропорт тимер юл вокзалы маршрутындагы 6 объектка, атап әйткәндә, Вахит, Каенлык, Комбинат, Юбилейная, Столбище, Аэропорт пассажир платформаларына кагылды. Эшләр барышында җәяүлеләр юлы, киртәләр, яктырту системалары алыштырылды, кибетләр һәм урналар яңартылды, визуаль навигация үткәрелде.
Инфраструктураны модернизацияләү кысаларында Аэропорт станциясендә траволатор, пассажирлар платформасы һәм павильон ремонтланды. Моннан тыш, турникет комплекслары алыштырылды.