Министрлыкта ришвәтчелеккә каршы көрәш мәсьәләләре буенча республика эксперт төркеме эше нәтиҗәләрен карадылар
Татарстан Республикасы транспорт һәм юл хуҗалыгы Министрлыгында Татарстан Республикасы транспорт һәм юл хуҗалыгы министры каршындагы ришвәтчелеккә каршы көрәш комиссиясенең киңәйтелгән утырышы булды.
Чарада Татарстан Республикасы Рәисенең ришвәтчелеккә каршы сәясәт мәсьәләләре буенча коррупциягә каршы тикшерүләр бүлеге мөдире Равия Шрша, психолог Регина Гайсина, комиссия әгъзалары һәм Министрлык хезмәткәрләре катнашты. Утырышта министр Фәрит Хәнифов рәислек итте.
Коррупциягә каршы көрәш мәсьәләләре буенча республика эксперт төркеме эше нәтиҗәләре турында Равия Шрша чыгыш ясады.
Министрлыкта социаль-психологик климатны тикшерү нәтиҗәләре турында Регина Гайсина сөйләде, ул коллектив әгъзаларына һәм җитәкчелеккә киңәшләр бирде.
Ахырда Фәрит Хәнифов чыгыш ясады. Министр коррупциягә каршы таләпләрне үтәүнең мөһимлеге турында сөйләде, барлык хезмәткәрләргә законда билгеләнгән бурычларны төгәл үтәргә кушты.