Тимер юлчыларның экологик рейды Татарстан һәм Башкортостан республикалары чигендә узды
Тимер юлның бүлеп бирелгән полосасын карау буенча экологик рейд Бөгелмә – Ютаза – Урыссу – Нарышево участогында узды. Чарада Куйбышев тимер юлы хезмәткәрләре, җирле хакимият органнары һәм җаваплы ведомстволар вәкилләре катнашты.
Рейдта катнашучылар тимер юл транспорты объектларына якын территорияләрдә һәм бүлеп бирелгән полосада санкцияләнмәгән җитештерү һәм көнкүреш чүплекләренең 70ләп урынын ачыклаганнар. Җирле чүплекләр торак пунктлар, гараж һәм бакча җәмгыятьләре, предприятиеләр районында теркәлгән. Район администрацияләре хезмәткәрләре белән берлектә бер ай эчендә чүп-чарны бетерү буенча эш комплексы эшләнде.
Экологик рейдлар даими рәвештә Куйбышев магистраленең бөтен полигонында үткәрелә, шул исәптән гражданнарның һәм контроль органнарының игътибарын тиешле санитар-эстетик хәлдә территорияләрне тоту проблемасына җәлеп итү өчен.