Горький тимер юлында контейнерлар ташу 2024 елның 4 аенда 12,2% ка арткан
2024 елның гыйнвар-апрель айларында Горький тимер юлы чикләрендәге барлык төр элемтәләрдә 59 меңнән артык йөкле һәм буш ЕФЭ (TEU) контейнерлары ташылган. Бу узган елның шул ук чоры күрсәткеченнән 12,2% ка артыграк.
Эчке элемтәдә 31,4 мең ЕФЭ җибәрелгән (+18,3%).
2024 елның 4 аенда барлык төр элемтәләрдә йөкләнгән контейнерлар саны 34,7 меңнән артык ЕФЭ тәшкил итте (+узган ел дәрәҗәсенә карата 8,9%), шул исәптән:
- урман йөкләре – 11 мең ЕФЭ (+18,7% 2023 елның гыйнвар-апрель күрсәткеченә карата);
- химикатлар һәм сода – 10,8 мең (шул ук дәрәҗәдә диярлек калды);
- кәгазь – 6,5 мең (-11,1%);
- кара металлар – 1,4 мең (узган елда ташу гамәлдә башкарылмаган);
- нефть һәм нефть продуктлары – 1,3 мең (+28,4%).
Контейнерларда барлыгы 721 мең тоннага якын йөк ташылган (+узган ел дәрәҗәсенә карата 9,9%).
Белешмә:
Горький тимер юлы ААҖ филиалы «РЖД» Россия Федерациясенең 15 субъекты территориясе буенча уза, алар арасында 8 өлкә (Мәскәү, Владимир, Түбән Новгород, Киров, Свердловск, Вологда, Рязань, Ульяновск), 6 республика (Мордовия, Чувашия, Удмуртия, Татарстан, Марий Эл, Башкортостан) һәм Пермь крае.
ЕФЭ (TEU) – егерме футлы эквивалент, сыйдырышлылыкны үлчәүнең шартлы берәмлеге, озынлыгы 20 фут (6,1 м) булган стандарт йөк контейнеры ИСО (ISO) үлчәмнәренә туры килә.