Казанда «Имин сыйфатлы юллар» милли проекты кысаларында Качалов – Шаляпин киселеше «акыллырак» булачак
«Имин сыйфатлы юллар» милли проекты кысаларында Казан һәм Чаллы шәһәрләрендә интеллектуаль транспорт системаларын кертүне дәвам итәчәкләр.
ИТСНЫҢ төп максаты — юл хәрәкәте белән идарә итү процессын автоматлаштыру, һәм нәтиҗәдә — юлларда куркынычсызлыкны арттыру.
ИТС юл тыгыны белән көрәшә, уртача хәрәкәт тизлеген арттыра һәм транспорт агымнары хәрәкәтен оптимальләштерү юлы белән зарарлы матдәләр чыгаруны киметә.
Тиздән Казанда Качалов – Шаляпин киселеше дә «акылга килә». Монда кирәкле җиһазлар урнаштырылачак: контроллер, камера һәм хәрәкәт интенсивлыгын исәпкә алуның җиде пункты. Бу юл чатындагы светофорлар юл шартларына реаль вакыт режимында көйләнәчәк.
Адаптив юл хәрәкәте белән идарә итү системасы барлык светофор объектларын синхронлаштыра, транспорт агымнары минималь тоткарлыклар белән алдагы киселешләрне узсын өчен.
Эшләр 1 сентябрьгә кадәр башкарылачак.