Татарстан транспорт комплексы предприятиеләрендә җитештерү җәрәхәтләнү торышы каралды
Бүген, 23 апрельдә, Татарстан Республикасы Транспорт һәм юл хуҗалыгы министрлыгында «Татарстан Республикасы транспорт комплексы предприятиеләрендә җитештерү җәрәхәтләнү торышы һәм профилактикасы турында» дигән темага киңәшмә узды.
Киңәшмәдә Татарстан Республикасы Транспорт һәм юл хуҗалыгы министры урынбасары Артем Чукин, Татарстан Республикасы Хезмәт, халыкны эш белән тәэмин итү һәм социаль яклау министрының беренче урынбасары Рөстәм Вәлиуллов, Татарстан Республикасында Дәүләт хезмәт инспекциясе җитәкчесе урынбасары Алсу Зәйнетдинова, Татарстан Республикасы буенча ЭЭМның ЮХИДИ идарәсе юл инспекциясе һәм хәрәкәтне оештыру бүлеге башлыгы Илназ Зиатдинов, «Автомобиль транспорты һәм юл хуҗалыгы хезмәткәрләренең һөнәри берлеге Татарстан Республикасы» Юрий Данилов, шулай ук Татарстан Республикасы транспорт тармагы оешмалары вәкилләре.
Киңәшмә барышында хезмәтне саклау буенча заманча мәгълүмати ресурсларны куллану, профсоюзларның куркынычсыз хезмәт шартларын тәэмин итүдә катнашу мәсьәләләре тикшерелде.
Киңәшмәдә катнашучылар шулай ук юл-төзелеш сезоны башланыр алдыннан эшләр башкарылган урыннарда юл хәрәкәте куркынычсызлыгын тәэмин итү мәсьәләләренең мөһимлеген ассызыкладылар.
«Министрлык куркынычсыз хезмәт шартларын тәэмин итү проблемаларына, производствода бәхетсезлек очракларын кисәтүгә, шулай ук юл хәрәкәте куркынычсызлыгын арттыруга аерым игътибар бирә»,-дип билгеләп үтте Артем Чукин.
Киңәшмә ахырында 2023 ел йомгаклары буенча Татарстан Республикасы транспорт комплексы предприятиеләре арасында хезмәтне саклау буенча смотр-конкурс җиңүчеләрен бүләкләү тантанасы булды.
«Имин сыйфатлы юллар» милли проектын гамәлгә ашыру шулай ук җитештерү травматизмы күрсәткечләрен киметү мәсьәләсен хәл итүдә ярдәм күрсәтә. Юл хәрәкәте куркынычсызлыгын арттыру, автомобиль юлларын һәм ясалма корылмаларны норматив хәлгә китерү буенча эшләр юл-транспорт һәлакәтләре барлыкка килү куркынычын профилактикалауны тәэмин итәргә мөмкинлек бирә, шулай ук ташучыларның хезмәт шартларын яхшыртуга ярдәм итә.
2024 елда «Имин һәм сыйфатлы юллар» милли проектын башкару кысаларында түбәндәге төп күрсәткечләргә ирешүне тәэмин итәргә кирәк:
- юл-транспорт һәлакәтләрендә һәлак булучылар саны, 100 мең кешегә 7,07%;
- юл-транспорт һәлакәтләрендә һәлак булучылар саны, 10 мең транспорт чарасына кеше 2,05%;
- норматив таләпләргә туры килгән шәһәр агломерацияләре юлларының өлеше -85,0%;
- норматив таләпләргә туры килгән төбәк әһәмиятендәге юллар өлеше 51,64%.