«Казан» халыкара аэропорты «Россиянең һава капкасы» III премиясе лауреаты булды
2023 елда эш нәтиҗәләре буенча Габдулла Тукай исемендәге «Казан» халыкара аэропорты «Елына 2 миллионнан 6 миллионга кадәр пассажир категориясендә 2023 елның иң яхшы аэропорты» номинациясендә «Россиянең һава капкасы» III премиясе лауреаты булды.
Бүләкләү тантанасы 6 февральдә Мәскәүдә NAIS-2024 граждан авиациясе инфраструктурасы милли күргәзмәсе кысаларында узды.
«Казан» аэропорты хезмәттәшләренә 2023 елда үз эшләрен бәяләгәннәре өчен рәхмәт белдерә. Аэропорт коллективы рекордлы күрсәткечләр күрсәтте: предприятие 5 млн.168 мең пассажирга хезмәт күрсәтте, бу 2022 елдан 28,6% ка күбрәк беренче тапкыр һава гаване елына 5 миллион хезмәт күрсәтелгән пассажир чиген узды. Моннан тыш, беренче тапкыр «Казан» аэропорты Идел буе федераль округы аэропортлары арасында пассажирлар ташу күләме буенча 1 нче урынны алды.
Пассажирлар агымының рекордлы күрсәткече маршрут челтәрен киңәйтү һәм булган юнәлешләрдә рейслар санын арттыру буенча үткәрелгән эш нәтиҗәсе булып тора.
Предприятие тармак экспертлары белән зур эш алып бара, хезмәт җитештерүчәнлеген арттыру максатыннан алдынгы технологияләр куллана, тәҗрибәле һәм квалификацияле персоналга ия, пассажирларга хезмәт күрсәтүнең барлык этапларында сервис компонентына зур игътибар бирә.