Горький тимер юлында пассажирлар ташу 2024 елның гыйнварында 6,5% ка арткан
2024 елның гыйнварында Горький тимер юлы вокзалларыннан һәм станцияләреннән 2,8 млн пассажир җибәрелгән. Бу 2023 ел күрсәткеченнән 6,5% ка артты.
Ерак юлга баручы поездлар белән 750 меңгә якын пассажир җибәрелгән (+9,3%), шәһәр яны элемтәсе 2 млн (+5,5%).
2024 елның гыйнварында пассажирлар әйләнеше 832 млн пасс-км (+10,5%) тәшкил итә, шул исәптән ерак юлга баруда 735 млн пасс – км (+11%), ә шәһәр яны элемтәсендә 97 млн пасс-км (+5,3%).
Исегезгә төшерәбез, 2024 елда Горький магистралендә 7 яңа шәһәр яны туристлык поездын эшләтеп җибәрү планлаштырыла, шул исәптән Казан – «Свияжск утрау-шәһәрчеге» музее, Түбән Новгород – Сейма, Түбән Новгород – Киселиха-Городец, шулай ук Түбән Новгород - Ужовка-Зур Болдино мультимодаль маршруты,
Моннан тыш, Казан – Иске Аракчино шәһәр яны поездында сәяхәт иткәндә, пассажирлар мәдәният һәм дин бердәмлегенең дөньякүләм символы булган Бөтендөнья гыйбадәтханәсенә бара алачак. Яңа тур кысаларында Ижевск – Агерҗе – Яр Чаллы легендар «КАМАЗ» заводының җитештерү мәйданчыгында һәм татар драма театрында булу мөмкинлеге барлыкка киләчәк.
Белешмә:
Горький тимер юлы ААҖ филиалы «РЖД» Россия Федерациясенең 15 субъекты территориясе буенча уза, алар арасында 8 өлкә (Мәскәү, Владимир, Түбән Новгород, Киров, Свердловск, Вологда, Рязань, Ульяновск), 6 республика (Мордовия, Чувашия, Удмуртия, Татарстан, Марий Эл, Башкортостан) һәм Пермь крае.