Горький тимер юлы күп кар яуган шартларда эшләргә әзер
Горький тимер юлы төбәкләрендә күп кар яву сәбәпле, магистраль хезмәткәрләре юлларны, пассажир платформаларын, җәяүлеләр күперләрен һәм тоннельләрне кардан һәм боздан чистарту буенча эшне көчәйтәләр.
Тимер юлчылар подряд оешмалары белән бергә вокзаллар һәм станцияләр территориясен боздан даими чистарталар, платформаларга ком һәм реагентлар сибәләр.
Горький магистралендә карны җыю һәм чыгару өчен 103 берәмлек техника җәлеп ителгән. Шуларның 52се-кар җыю машиналары, 29сы-плужлы кар чистарткычлар, 17се-пневмо өрү машиналары һәм 5се-кар чистарткычлар.
«Кышкы чорда Горький тимер юлында эшләргә әзерләнгәндә пассажирлар комплексына аерым игътибар бирелә. Вокзалларда һәм станцияләрдә яктырту аппаратурасы, компрессор җайланмалары, стрелкалы күчерүләрнең пневмообдув җайланмалары һәм элемтә системалары ревизияләнә. Барлык хезмәт-техник биналар һәм корылмалар, шулай ук җылылык белән тәэмин итү объектлары тикшерелде», - дип билгеләп үтте Горький тимер юлы – «РЖД» ААҖ филиалы башлыгы Сергей Дорофеевский.
Исегезгә төшерәбез, 2023 елның ноябрендә Горький магистрале станцияләреннән һәм араларыннан кар җыю техникасы белән 44,5 мең м3 артык кар чыгарылган, бу 2022 елның шул ук чоры күрсәткеченнән 2 тапкыр артык. Кар җыю техникасы белән 130дан артык рейс башкарылган һәм 4 мең км юл чистартылган. Бу шулай ук узган елның ноябрь күрсәткеченнән 2 тапкырдан артык.