Горький тимер юлы 9 вокзал комплексы инфраструктурасын яңарта
2023 елда Горький магистрале чикләрендә 9 вокзал территориясендә ремонт эшләре комплексы гамәлгә ашырыла.
Мәсәлән, Түбән Новгород өлкәсендә Навашино вокзалы түбәсен ремонтлау тәмамлана. Агымдагы ел ахырына кадәр Дзержинск вокзалында аз хәрәкәтләнүче пассажирлар өчен койма һәм кассалар төзү планлаштырыла. Татарстан Республикасында Агерҗе вокзалында эшләр башкарылды, ә 2024 елда Казан шәһәре вокзалларында пассажир инфраструктурасы яңартылачак.
Чуашстан Республикасында Шумерль вокзалының пассажирлар платформасын төзекләндерү буенча ремонт эшләре тәмамлана. Киров өлкәсенең Котельнич һәм Йошкар-Ола вокзалларында аз хәрәкәтләнүче гражданнар өчен кассаларга ремонт ясалган.
Моннан тыш, 2023 елда Владимир, Киров һәм Яңауыл вокзалларын ремонтлау башланды. Эшләрне киләсе елда тәмамлау планлаштырыла.
«Вокзал инфраструктурасын яңарту Горький тимер юлында өстенлекле бурычларның берсе. Бүген без пассажирларыбыз өчен уңайлы шартлар булдыру өчен мөмкин булганның барысын да эшлибез. Горький магистрале вокзалларында үткәрелгән модернизация сыйфатны арттырырга һәм күрсәтелә торган хезмәтләр спектрын киңәйтергә ярдәм итәр дип ышанам», – дип ассызыклады Горький тимер юлы – «РЖД» ААҖ филиалы башлыгы Сергей Дорофеевский.
Исегезгә төшерәбез, 2023 елда Ижевск тимер юл вокзалында аз хәрәкәтләнүче пассажирлар өчен пассажир инфраструктурасын яраклаштыру кысаларында барлык платформаларны яңарту тәмамланды. Шәһәр яны вокзалының керү төркеме ремонтлана, вокзал яны мәйданы ягыннан яңа пандус төзелә. Асфальт япма җир өстендәге тактиль күрсәткечләре булган брусчаткага алыштырылган. Атмосфера явым-төшемнәрен читкә алып китү өчен яңа яңгыр системасы җиһазландырылган. Яктырту баганалары монтажланган һәм тоташтырылган.