Мәскәүдә «Җәмәгать транспорты 2023» форумы узачак
2023 елның 31 октябрендә Мәскәүдә «Җәмәгать транспорты 2023» форумы узачак. Форум Россия сәнәгатьчеләр һәм эшмәкәрләр берлеге һәм «ГТЛК» АҖ тарафыннан РФ Транспорт министрлыгы ярдәме белән оештырыла һәм ел саен тармак казанышларын күрсәтүче вакыйга булып тора.
Форумның максаты - җәмәгать транспорты проектларын гамәлгә ашыруда бизнес инициативаларына ярдәм итү һәм аларны үстерү.
Форумның төп темалары: тармакка дәүләт ярдәме чаралары, финанс инструментлары һәм төбәкләрдә хәрәкәт итүче составны яңарту буенча проектларга ярдәм итү механизмнары, шул исәптән БКАД проектын гамәлгә ашыру вакыты тәмамланганнан соң да. Форумның аерым сессияләре кысаларында җәмәгать транспортын үстерү проектларына бюджеттан тыш инвестицияләр җәлеп итү механизмнары, су транспортын үстерү перспективалары, шәһәр җир өсте электр транспорты инфраструктурасын төзү һәм модернизацияләү, транспортта цифрлы технологияләрне кертү һәм үстерү турында фикер алышачаклар.
Чара нәтиҗәләре буенча Россия Федерациясе Хөкүмәте адресына җәмәгать пассажир транспортын үстерүнең төп юнәлешләре буенча тәкъдимнәр формалаштырылачак.
Форумда катнашу өчен федераль башкарма хакимият органнары җитәкчеләре, Россия Федерациясе субъектлары башлыклары, үсеш институтлары һәм финанс оешмалары, эре хәрәкәт итүче состав җитештерүчеләр, төбәк ташучылары (операторлар), IT-компанияләр вәкилләре чакырылган.
Форумның рәсми сайтында теркәлү http://gortransport.com/