22-27 августта Аэропорт-Столбище автомобиль юлы буенча йөк транспорты өчен хәрәкәт вакытлыча чикләнә

2019 елның 8 августы, пәнҗешәмбе

«Яшь профессионаллар» (WorldSkills Russia) милли чемпионатын уздыру чорында төбәк әһәмиятендәге Аэропорт-Столбище автомобиль юлы буенча йөк транспорты өчен вакытлыча чикләү кертелә. Чикләү 22-27 августта 06.00 сәгатьтән 22.00 сәгатькә кадәр гамәлдә була.

Хәрәкәтне чикләү турындагы мәгълүмат ТР буенча ЮХИДИ белән килешенгән. Йөк транспортын йөртүчеләрнең әлеге чорга үз маршрутларын алдан планлаштыруларын сорыйбыз.