Яңа маршрут: Казаннан Калугага «РусЛайн» авиакомпаниясе белән

2019 елның 25 апреле, пәнҗешәмбе

2019 елның җәйге сезонына җәдвәл кысаларында «РусЛайн» авиакомпаниясе 10 июньнән Калугага Bombardier CRJ-100/200 самолетларында оча башлаячак. Юл вакыты якынча 2 сәгать тәшкил итәчәк, билетларның бәясе бер якка, авиакомпаниянең барлык җыемнарын исәпкә алып, 3000 сумнан башлана.

Рейслар дүшәмбе һәм җомга көннәрендә түбәндәге график буенча башкарылачак:

• Казаннан 18:35 оча, Калугага 20:25 килә;
• Калугадан 15:45 оча, Казанга 17:35 килә.

Хәрәкәт җәдвәлендә үзгәрешләр булырга мөмкин! Калугада вакыт Мәскәүнеке белән туры килә.

Билетларны авиакассаларда, шулай ук www.rusline.aero сайтында алыргап була. Белешмә өчен мәгълүматны 8 800 5555 800 телефоны буенча (Россия буенча шалтырату бушлай) алырга мөмкин.

Фото авторы: Руслан Гомәров