Бөек Ватан сугышы ветераннары һәм инвалидлары май аенда юлга чыгу өчен поездларга 700дән артык бушлай билет рәсмиләштергән
Россия тимер юллары Бөек Ватан сугышында Җиңүнең 74 еллыгына Бөек Ватан сугышы инвалидларына һәм анда катнашучыларга бушлай йөрү мөмкинлеге бирәчәк. Ветераннарга май дәвамында Россия эчендәге барлык ерак араларга йөрүче поездларга хезмәт күрсәтүнең барлык сыйныф вагоннарында йөрү мөмкинлеге бирелә.
Юл йөрү саны чикләнмәгән. Һәр Бөек Ватан сугышы ветераны һәм инвалиды белән бер озата баручы (акция турында тулырак мәгълүмат - Россия тимер юлларының рәсми сайтында) бушлай бара ала.
Бушлай билетны пассажир шәхесен таныклаучы документ турындагы мәгълүматлар нигезендә һәм ташламага хокукын раслаучы документ: Бөек Ватан сугышы ветераны таныклыгы, Бөек Ватан сугышы инвалидының таныклыгы яки "Ленинград оборонасы өчен" медале белән бүләкләү турында таныклык тапшырганда гына рәсмиләштерергә була. Чит ил гражданнары өчен юл йөрү документларын рәсмиләштерү 1992 елның 1 гыйнварына гамәлдә булган форма буенча элеккеге СССРның тиешле органнары тарафыннан бирелгән таныклык күрсәтү буенча башкарыла.
Юл йөрү документларын рәсмиләштерү (резервлау, яңадан рәсмиләштерү, торгызу, кире кайтару) өчен җыемнар алынмаячак. Шулай ук Бөек Ватан сугышы инвалидларыннан һәм аларны озатып йөрүче затлардан сервис хезмәтләре, шул исәптән урын-җир кирәк-яраклары һәм туклану өчен түләү алынмаячак.
Сәфәр барышында барлык ветераннар да транспорт йөртүчеләрдән бүләкләр алачак. Моннан тыш, Бөек Ватан сугышы ветераннары һәм инвалидлары вокзалларда барлык пассажир хезмәтләреннән дә бушлай файдалана алачак: югары комфортлы көтү залларыннан, саклау камераларыннан, санитар бүлмәләрдән, һ.б..
12 апрельгә ветераннар һәм озатып йөрүчеләр өчен 706 билет рәсмиләштерелгән. Бу узган елның шул ук датасына бушлай рәсмиләштерелгән юл йөрү документлары саныннан 16% ка артыграк. Бөек Ватан сугышы инвалидлары һәм анда катнашучылар Мәскәү, Санкт-Петербург, Калининград, Казан, Смоленск, Ярославль, Белгород, Псков, Түбән Новгород, Адлер, Курск, Брянск, Волгоград, Вологда, Воронеж шәһәрләрендә сәфәр кылырга планлаштыралар.
Бөек Ватан сугышы инвалидларын һәм анда катнашучыларны каршы алуны, утырту һәм озатуны оештыру һәм аларга ярдәм күрсәтү өчен РТЮ холдингының барлык бүлекчәләре хезмәткәрләре җәлеп ителә.
Можгинские-вести.рф фотосы