Горький тимер юлы «Җир сәгате» акциясендә катнашачак

30 март көнне Горький тимер юлы «Җир Сәгате» халыкара экологик акциясенә теләктәшлек күрсәтәчәк. Җирле вакыт белән 20.30 сәгатьтән 21.30 сәгатькә кадәр Горький магистрале чикләрендә барлык вокзалларда биналарның архитектур-сәнгать яктыртылуы һәм озак ял итү бүлмәләрендә һәм көтү залларында өстәмә яктырту туктатылачак.

Максаты – бөтен шәһәр һәм ил халкының игътибарын планетадагы байлыкларның чикләнгән булуына җәлеп итү һәм аларга сакчыл карашка өндәү.

Горький тимер юлы – РТЮ филиалы җитәкчелеге ресурсларны сак тоту технологияләрен кертүгә һәм куллануга зур игътибар бирә. Аерым алганда, вокзалларда агынты суларны чистартуның заманча системалары, светодиод яктырту, чүп-чарны аерым җыю өчен контейнерлар урнаштырыла.

Тимер юл транспорты - экологик яктан иң чиста транспорт төрләренең берсе. Шул ук вакытта Россия тимер юллары үзенең табигать саклау эшчәнлегенең нәтиҗәлелеген арттыру өчен көч куя.

Исегезгә төшерәбез, «Җир Сәгате» – Бөтендөнья кыргый табигать фонды (WWF) тарафыннан үткәрелә торган халыкара вакыйга. Акциядә катнашучылар - шәхси затлар, оешмалар, муниципаль берәмлекләр, коммерция оешмалары – кешелек игътибарын әйләнә-тирәлек проблемаларына җәлеп итү, климат үзгәрү һәм табигатьтән рациональ файдалану проблемаларына җәлеп итү өчен 1 сәгатькә утны һәм башка мөһим булмаган электр приборларын сүндерәчәкләр.