Татарстан Республикасының региональ чемпионаты (WorldSkills Russia) башланды
Бүген «Сервис на воздушном транспорте» һәм «Экспедирование грузов» компетенцияләре буенча 2018/2019 елгы чемпионатлар циклының Татарстан Республикасының «Яшь профессионаллар» (WorldSkills Russia) төбәк чемпионаты старт алды. Әлеге компетенцияләрне Татарстан Республикасы Транспорт һәм юл хуҗалыгы министрлыгы алып бара.
Ярышлар 14-16 ноябрьдә «Казан» халыкара аэропорты һәм А.П. Обыденнов исемендәге Казан автотранспорт техникумы базасында уза.
«Сервис на воздушном транспорте» компетенциясе буенча «Казан» Халыкара аэропорты» АҖнең авиация иминлеге һәм пассажирлар ташуны оештыру хезмәтләренең 35 хезмәткәреннән торган 5 команда катнаша.
«Экспедирование грузов» компетенциясендә 5 конкурсант катнаша - бу Казан автотранспорт техникумы студентлары. Ярышлар автомобиль транспортында транспорт документларын белү, логистика буенча биремнәр чишү, ташу чыгымнарын калькуляцияләү, эшлекле хатлар төзү буенча 6 модульдән тора.
Министр урынбасары Андрей Егоров ачылу тантанасында чыгыш ясап, һәр катнашучыга иң югары нәтиҗәләргә ирешү өчен белемнәрен һәм күнекмәләрен максималь рәвештә мобилизацияүләрен теләде. Ул региональ чемпионат нәтиҗәләре буенча көчле команда тупланачагына ышаныч белдерде, команда Татарстан Республикасын Казанда узачак WorldSkills Russia 2019 Милли чемпионатында лаеклы тәкъдим итәргә тиеш.
Агымдагы елда төбәк чемпионаты 38 мәйданчыкта WorldSkill 83 компетенциясе буенча һәм WorldSkills Juniors 53 компетенциясе буенча узачак. Аларда 2000 дән артык конкурсант һәм эксперт катнашачак.