Июнь аенда «Бигеш» аэропортының пассажирлар агымы узган елның шушы чорындагыдан чагыштырмача 50% арткан
Июньдә «Бигеш» халыкара аэропорты хезмәтләреннән 74 407 пассажир файдаланган. Бер ел элек июнь аенда 49 543 пассажирга хезмәт күрсәтелгән булган.
I яртыеллыкта пассажирлар агымы арту 26% тәшкил иткән яки 334 747 пассажир.
Яллар сезонының башлануы халыкара туристик юнәлешләргә ихтыяҗларның артуында чагыла. Июнь аенда бу сегментта пассажирлар агымының артуы 105% тәшкил иткән яки хезмәт күрсәтелгән 20 500 пассажир. Халыкара һава линияләрендә Atlas Global авиакомпаниясе лидер булды, ул июнь аенда Анталияга 10 545 пассажир илткән.
Эчке авиалинияләрдә июнь нәтиҗәләре буенча «Бигеш» аэропорты 53 906 пассажирга хезмәт күрсәткән. Ярты еллык нәтиҗәләре буенча пассажирлар агымының артуы 24% тәшкил иткән яки 299 354 пассажир. Алты ай нәтиҗәләре буенча ил эчендә иң популяр маршрутлар булып түбәндәге юнәлешләр тора: Мәскәү - 274 617 пассажир, Санкт-Петербург - 10 242 пассажир, Сочи - 4 531 пассажир, Симферополь - 3 967 пассажир. Беренче яртыеллыкта авиаташулар күләме буенча «Аэрофлот», «Җиңү» һәм S7 Airlines Россия авиакомпанияләре арасында лидерлар булдылар.
Тулаем алганда, июнь нәтиҗәләр тәэсирле булып чыкты. Күрсәткечләр артуына Төркиягә һәм Туниска чартер рейсларның 100% йөкләнеше, Симферополь, Сочи, Анапа һәм Минераль Сулар кебек Россия курортларына тотрыклы рәвештә югары пассажирлар агымы йогынты ясады.