Питрәч районында 24 июньдә М-7 «Волга»-Колай-Питрәч автомобиль юлының 0 чакрымыннан алып 1,6 чакрымына кадәр участогы транспорт хәрәкәте өчен ябылачак. Бу чорда биредә төзекләндерү эшләре планлаштырылган.
Автомобиль транспорты йөртүчеләргә урап үтү өчен төбәк әһәмиятендәге Казан-Шәмәрдән, Иске Шигалеево-Питрәч, М-7 «Волга»-Колай-Питрәч һәм федераль әһәмияткә ия булган М-7 «Волга» автомобиль юллары тәкъдим ителә. Юл билгеләрен куеп вакытлыча үтү схемасы ТР буенча ЭЭМ ЮХИДИ белән килешенгән.