Казанда 2018 елгы FIFA Футбол буенча дөнья чемпионатын үткәрү вакытында пилотсыз очу аппаратларына тыюлар һәм чикләүләр кертелә
Казанда 2018 елгы FIFA Футбол буенча дөнья чемпионаты вакытында һава судноларын, пилотсыз очу аппаратларына (квадрокоптерлар, дроннар, аэростатлар, һ.б.) тыюлар һәм чикләүләр кертелә.
Чикләүләр 1 июннән 17 июльгә кадәр тәүлек буена кертелә.
Очышлар өчен тыюлар кертелгән зона «Казан-Арена» стадионы үзәгеннән 10 км радиуста 3050 метр биеклеккә кадәр билгеләнә.
Очышларны чикләүче зона «Казан-Арена» стадионы үзәгеннән 110 км радиус белән 8100 метр биеклеккә кадәр билгеләнә. Радиоэлемтэ алып бару чаралары һәм икенчел җавап бирү радиолокациясе белән җиһазландырылмаган, шулай ук һава суднолары очышлары белән бәйле булмаган һава киңлеген файдалану буенча башка эшчәнлек алып баручы гражданлык һава суднолары, шул исәптән пилотсыз очу аппаратларына очышлар тыела.
Әлеге очракларда күрсәтелмәгән, һава киңлекләре белән файдалану буенча эшчәнлек, Россия Федерациясендә 2018 елгы FIFA Футбол буенча дөнья чемпионатын уздыру чорында куркынычсызлыкны тәэмин итү буенча региональ ведомствоара оператив штаб рөхсәте белән гамәлгә ашырыла.
Административ хокук бозулар турында Россия Федерациясе кодексы нигезендә һава киңлеген файдалану буенча эшчәнлекне тормышка ашыруга тиешле тәртиптә хокук бирелмәгән затларның һава киңлекләрен файдалану кагыйдәләрен бозулары административ штраф салуга китерә, гражданнарга - өч меңнән алып биш мең сумга кадәр; вазыйфаи затларга - утыз мең сумнан илле мең сумга кадәр; юридик затларга өч йөз меңнән алып биш йөз мең сумга кадәр яки эшчәнлекне административ рәвештә 90 тәүлеккә кадәр туктатып тору.