Түбән Кама муниципаль районында 3 майдан 3 июльгә кадәр Зәй-Сухарево автомобиль юлының 7 чакрымыннан 16 чакрымына кадәр өлеше транспорт хәрәкәте өчен вакытлыча ябыла. Бу чорда биредә төзекләндерү эшләре планлаштырылган.
Машина йөртүчеләргә урап узу өчен төбәк әһәмиятендәге «Сухарево авылына керү юлы» һәм Чистай-Түбән Кама автомобиль юллары тәкъдим ителә. Тиешле юл билгеләре белән урап узу схемасы ТР буенча ЭЭМ ЮХИДИ белән килешенгән. Машина йөртүчеләрне юлның әлеге участогында үз маршрутларын алдан ук планлаштырып куюларын сорыйбыз.