«Куркынычсыз һәм сыйфатлы юллар» федераль өстенлекле проект кысаларында Казанда термопластиктан 240 мең кв. м артык тамга төшереләчәк

2018 елның 18 апреле, чәршәмбе

Казанда горизонталь юл тамгалары төшерүгә керешетеләр. Шулай итеп, Ирек Мәйданында «җәяүле кичүе» юл тамгасын төшерә башладылар. Җиңү проспектында тамганы төшерү буенча башлангыч эшләр башкарылды.

2018 елның “Казанның юл-урам челтәрен ремонтлау” программасына юл тамгалары төшерүгә 229 миллион сумнан артык бүлеп бирелгән. Юл тамгалары төшерүнең гомуми мәйданы 305 700 кв. м тәшкил итәчәк, шуларның 241 000 кв. м – термопластик һәм 64 744 кв. м - буяу белән.

Искәртеп узабыз, юл тамгаларын төшерүне термопластик материаллардан башкару «Куркынычсыз һәм сыйфатлы юллар» федераль өстенлекле проект кысаларында үтәлә.