Куйбышев тимер юлының Идел-Кама төбәгендә ремонт эшләре сезоны башлана
Агымдагы елда Куйбышев магистраленең Идел-Кама регионы тимерьюлчылары якынча 44 км тимер юлны капиталь ремонтлаячак һәм 173 км саклык планы эшләрен башкарачак. Ремонт үткәрү өчен юл техникасы комплексы кулланылачак.
Капиталь ремонт Кульшарипово-Әлмәт участогында һәм Ульяновск-Үзәк станциясендә планлаштырылган. Уренбаш-Путевой, Дымка-Полтавка, Полтавка-Акбаш, Якты Күл-Зәй участокларында рельслар алыштырылачак.
Ремонт эшләрен уңышлы уздыру өчен ремонт бригадаларына куркынычсыз, уңайлы хезмәт һәм ял шартларын тудыру мөһим. Юлчылар махсус кием, элемтә чаралары һәм туклану белән тәэмин ителәчәк.
Планлаштырылган ремонт эшләрен сыйфатлы башкару магистральнең үткәрү сәләтен, поездларның хәрәкәт тизлеген арттыруны, тимер юлда ташуларның куркынычсызлыгын һәм пассажирлар өчен уңайлы сәяхәт тәэмин итәчәк.