Куйбышев тимер юлының Идел-Кама регионы һәм Горький тимер юлының Казан регионы вокзалларында кечкенә күләмле йөк җибәрү хезмәте барлыкка киләчәк

2018 елның март ахырына кадәр Куйбышев тимер юлының Идел-Кама регионында 4 эре вокзалда (Ульяновск, Димитровград, Бөгелмә, Яр Чаллы) «вокзалдан вокзалга» системасы буенча кечкенә күләмле посылкалар һәм хатлар җибәрү буенча хезмәт эшли башлаячак. Посылканың авырлыгы 30 килограммнан, ә өч үлчәнеш суммасы 180 сантиметрдан артмаска тиеш. Кечкенә күләмле йөк җибәрүнең бәясе посылка авырлыгыннан һәм конкрет вокзалдан чыгып санала һәм 350 сумнан башлана.

 Шулай ук бу вакытка йөк багажын кабул итү-бирү буенча хезмәт Горький тимер юлының Казан төбәгендәге 5 вокзалда барлыкка киләчәк - Казан - 1, Казан-2 (Восстание), Канаш, Чебоксар, Йошкар-Ола.

Йөк багажын кабул итү-бирү буенча пунктларның урнашу урыны буенча мәгълүмат махсус күрсәткечләрдә, мәгълүмати баганаларда, плакатларда урнаштырылачак һәм бөтен кеше ишетерлек элемтә (репродуктор) аша игълан ителәчәк.