Яр Чаллыда автобус һәм трамвайда йөрү өчен бердәм юл билеты белән файдаланырга мөмкин булачак.
Барлыгы ике төр юл йөрү билетлары гамәлгә кертеләчәк: аларның берсе зур автобусларда гына гамәлдә булачак, икенчесе - зур автобусларда һәм трамвайларда.
Яңалык 1 нче марттан гамәлгә керәчәк. Автобуска билетны активлаштыру өчен ай саен 900 сум түләргә кирәк булачак. Автобус һәм трамвайга юл билеты аена 1350 сум торачак. Шәһәрдә әлегә айлык юл билеты трамвайда гына бар.