«Бигеш» аэропорты 2017 ел нәтиҗәләре буенча рекордлы санлы пассажирларга хезмәт күрсәткән
2017 ел «Бигеш» аэропорты өчен хезмәт күрсәтелгән пассажирлар саны буенча рекордлы булган: пассажирлар агымы ноябрь аенда ел башыннан алып яңа тарихта беренче тапкыр ярты миллион билгесенә җиткән. 2016 ел нәтиҗәләре буенча аэропорт 380 997 пассажирга хезмәт күрсәткән, ә 2017 ел нәтиҗәләре буенча аэропортның пассажирлар агымы тарихи максимумга җиткән һәм 587 775 кеше тәшкил иткән.
2017 ел нәтиҗәләре буенча иң популяр маршрутлар исемлегенә Мәскәү, Анталия, Симферополь, Истанбул, Сочи һәм Анапа кебек юнәлешләр эләккән.
Пассажирлар агымының иң күп артуы Мәскәү юнәлешендә күзәтелгән: узган елның 12 ае эчендә эчке һава линияләрендә пассажирлар агымы арту 54% (206 778 кеше) тәшкил иткән, ә башкалага очышлар белән 472 445 пассажир яисә 2017 елның гомуми пассажирлар агымының 80% файдаланган. Мондый интенсив үсеш Победа, Nordwind Airlines һәм S7 Airlines авиакомпанияләренең башкалага өстәмә рейслар ачу ярдәмендә мөмкин булган.
Узган ел нәтиҗәләре буенча пассажирлар агымының төп күләмен «Аэрофлот», S7 Airlines, «Победа» һәм Nordwind Airlines авиакомпанияләре тәэмин иткәннәр. Алар барлыгы 515 983 кешегә яки гомуми пассажирлар агымының 88% хезмәт күрсәткән.
2017 ел Бигеш өчен вакыйгаларга бай булган. Узган елның февраль аенда ул «Россия Һава капкалары» премиясе версиясе буенча илнең иң яхшы аэропорты дип танылган. 2017 елның җәендә Бигеш аэропорты киң фюзеляжлы Boeing-767 самолетына хезмәт күрсәтүгә рөхсәт алган, шулай ук ташулар күләме буенча Россия аэропортларының топ-40 арасына кергән.