Үткән тәүлеккә Татарстан Республикасында транспорт комплексының хәле турында мәгълүмати хәбәр

Татарстан буенча муниципальара маршрутларга мониторинг системасында 256 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә 4 тапкыр тизлек режимы бозылган, маршруттан тайпылуның 57 очрагы теркәлгән.

Казан аэропортыннан 82 рейс башкарылган, шул исәптә 5 чартер һәм 15 халыкара рейслар. 3322 пассажир озатып җибәрелгән, Татарстан башкаласына 2816 кеше килгән.

1 нче августта республикада алмашынучан болытлы һава көтелә, көндез урыны белән кыска вакытлы яңгыр, яшен, җил көньяк-көнбатыштан. Температура: +29 - +33 гр.