Казан тимер юлчылары автотранспорт чараларын йөртүчеләрне тимер юллар аша чыгу кагыйдәләрен үтәргә өндиләр
Горький тимер юлының Казан төбәге өчен тимер юл кичүләрендә хәрәкәт куркынычсызлыгы мәсьәләсе актуаль булып кала. Даими рәвештә профилактик һәм аңлату эшләре алып баруга карамастан, тимер юл кичүләрендә юл-транспорт һәлакәтләренең саны арта бара. Ел башыннан төбәктә 8 юл-транспорт һәлакәте булган, аларның 6сы Татарстан Республикасы территориясендә, 2се – Чуашстанда. Казан төбәгендә тимер юл кичүләрендә булган юл-транспорт һәлакәтләрендә 2 кеше зыян күргән, 1 – һәлак булган.
Казан идарәсе полигонында 199 тимер юл кичүе урнашкан, шуларның 21ендә дежур хезмәткәр хезмәт күрсәтә.
Агымдагы елда 13 тимер юл кичүенә килү юлына асфальт салынган. Юл-транспорт һәлакәтләрен кисәтү максатыннан төбәкнең тимер юллар аша чыгу урыннарында фото - һәм видеотеркәү комплекслары кертелә.