Горький тимер юлында беренче ярты еллыкта пассажирлар ташу 1,7% арткан

2016 нчы елның гыйнвар-июнь айларында ГТЮ вокзаллары һәм станцияләреннән 20,5 миллион пассажир җибәрелгән. Бу саннан ерак арага йөрүче поездларда 3,4 миллион пассажирга хезмәт күрсәтелгән (2015 нче елның шул ук чоры белән чагыштырганда 0,5% арткан), ә шәһәр яны поездлары белән 17,2 миллион пассажир файдаланган (+2%).

2016 нчы елның беренче ярты еллыгында пассажирлар әйләнеше 4,6 миллиард пасс-км тәшкил иткән (2015 нче елның шул ук чоры белән чагыштырганда 0,4% кимү күзәтелә), шул исәптән шәһәр яны поездларында 0,7 миллиард пасс-км, ерак араларга 3,9 млрд пасс-км.