“Башкала” автовокзалы бәйрәм алды һәм бәйрәм көннәрендә популяр юнәлешләр буенча өстәмә рейслар оештыра

“Башкала” автовокзалы бәйрәм алды һәм бәйрәм көннәрендә популяр юнәлешләр буенча өстәмә рейслар оештыра. 29, 30 апрельдә һәм 1, 2 майда 20.50 сәгатьтә Уфага өстәмә рейс билгеләнгән. Юлдагы вакыт 10 сәгать тәшкил итә. Билет бәясе – 1050 сум.

30 нчы апрельдә 07.30 сәгатьтә Тольяттига өстәмә рейс билгеләнгән. Юлдагы вакыт – 6 сәгать, билет бәясе – 700 сум.

30 нчы апрельдә һәм 1-3 майда – 14.00 сәгатьтә Ульянга. Юлдагы вакыт – 4,5 сәгать, билет бәясе – 502 сум.

Шулай ук “Башкала” автовокзалы 1-9 май көннәрендә барлык юнәлешләрдә Бөек Ватан сугышы ветераннарына һәм әлеге сугышта катнашучыларга түләүсез йөрү оештыра. Бер озата баручыга билетны 50% ташлама белән алу мөмкинлеге бирелә.