Министрлык хезмәткәрләре гомумшәһәр өмәсендә актив катнаштылар

Бүген ТР Транспорт һәм юл хуҗалыгы министрлыгында Татарстанда шәһәрләр һәм муниципаль районнар территорияләрен чистарту буенча санитар-экологик икеайлык кысаларында гомумшәһәр шимбә өмәсе оештырылды.

Министрлык хезмәткәрләре өмәдә бина тирәсен җыештырдылар, кабинетларны тәртипкә китерделәр, тәрәзәләр юдылар. Җыештыруда ата-аналары белән бергә балалар да актив катнашты.

Өмәдән соң барлык катнашучыларны да, гадәткә кергәнчә, шашлык, тәмле камыр ризыклары һәм чәй белән сыйладылар.