“Содружество” ААҖ шәһәр яны пассажир компаниясе 2015 елда 7 миллион пассажирга хезмәт күрсәткән

2015 ел нәтиҗәләре буенча шәһәр яны тимер юл транспортында 7 миллион пассажирга хезмәт күрсәтелгән, шул исәптә 329600 - ташламаларга ия булучылар һәм 700700 студентлар һәм мәктәп укучылары. “Содружество” ААҖ шәһәр яны пассажир компаниясенең керемнәре 648 миллион 800 мең сум тәшкил иткән.

2015 елда Татарстан Республикасы бюджетында тимер юл транспортында пассажир йөртү буенча тарифларны җайга салу һәм төбәк ташламаларына ия булган кешеләрне йөртү өлкәсендәге чараларга 380 миллион 600 мең сум каралган иде.