Төбәк әһәмиятендәге автомобиль юллары янындагы участоклардан 2624 тоннадан артык чүп-чар җыеп ташланылды

Татарстанда төбәк әһәмиятендәге автомобиль юлларын, ясалма корылмаларны һәм юл янындагы “РТЮ” ААҖ предприятиеләре территорияләрен чүп-чардан чистарту буенча санитар-экологик икеайлык дәвам итә.

Төбәк әһәмиятендәге автомобиль юлларын карап тотуга җаваплы “Главтатдортранс” ДКУсе автобус тукталышларын һәм ял итү мәйданчыкларын чистартуга зур игътибар бирә. 16 нчы апрельгә мәгълүматлар буенча, 2624 тоннадан артык чүп-чар җыеп алынган. Санитар чистартуда көн саен 468 кеше һәм 161 махсус техника берәмлеге җәлеп ителгән.

Федераль әһәмияткә ия автомобиль юлларында 1635 тонна чүп-чар җыеп алынган, көн саен 119 кеше һәм 41 махсус техника берәмлеге җәлеп ителгән.

“РТЮ” ААҖ предприятиеләре янындагы территорияләрне, Куйбышев тимер юлының Идел-Кама төбәге буенча (Татарстан Республикасы чикләрендә) тимер юлларны тиешле санитар-экологик хәлгә китерү буенча эшләр башкарылган. Җыештырылган территориянең мәйданы 16212,3 кв.м тәшкил итә, 1,81 тонна чүп-чар җыеп алынган, санитар чистартуда 298 кеше катнашкан.